Müğənni Vaqif Şıxəliyev dələduzluqla üzləşib. Miraj.az xəbər verir ki, o, bu barədə sosial şəbəkə hesabında məlumat paylaşıb.

Sənətçi tanımadığı bir şəxsin onun adından dostlarından pul yığdığını açıqlayıb. Vaqif Şıxəliyev bildirib ki, artıq bununla bağlı polisə də müraciət edib:

“Dostlar, mənim adımdan profil şəklimi qoyub, sizlərdən kart nömrəsi ataraq pul istəyən olarsa, qəti şəkildə aldanmayın. Hansısa firildaqçılar, dolandırıcılar bir neçə insanı aldadıb: guya “xəstəxanadayam, pulum çatmır” adıyla Vaqif Şıxəliyevdir deyib, karta pul köçürmələrini istəyib. Sizdən ehtiyatlı olmağınızı, heç cür bu kimi fırıldaqçılara inanmamağınızı xahiş edirəm. Bu hərəkəti edən dələduzlar qanun qarşısında cavab verəcəklər. Artıq bunla bağlı hüquq mühafizə orqanlarına müraciət etmişəm”.