Müğənni Nadir Qafarzadə Rusiyada dələduzluqla üzləşib. Miraj.az xəbər verir ki, sənətçi Rusiyanın paytaxtı Moskvadakı Vnukovo hava limanından video paylaşıb.

Nadir Qafarzadə Rusiyada azərbaycanlıların ona qarşı dələduzluq etdiyini bildirib:

“Bakıya uçuruq. O qədər çətinliklə qayıdıram ki, nə qədər reys dəyişdim, pulda məni aldatdılar. Mərdimazarlar çoxdur, özümüzünkülər aldadıb, ruslar yox.

Bu aralar çox dələduzlar peyda olub. Söhbət bilet satışı ilə məşğul olan bəzi dələduzlardan gedir. Guya ki, bilet alınıb, əslində isə sənin votsapına göndərilən bilet heç də qeydiyyatdan keçməyib. Pulu alıb, aradan çıxırlar. Ehtiyatlı olun, hər adama etibar etməyin. Aldığınız biletin doğruluğunu yoxlatdırın”.