Rəqqasə Fatimə Fətəliyeva əməkdar artist Mətanət İsgəndərlinin keçmiş gəlini Canana ilə ad günündə yaşadığı qalmaqaldan danışıb. Miraj.az xəbər verir ki, o, sosial şəbəkə hesabında bunları söyləyib:

“Mətanət İsgəndərli sual verdi ki, Canananı sən çağırmısan ad gününə? Dedim yox. O da bildirdi ki, onu uzaqlaşdırın. Bunu şişirtmək lazım deyil ki, belə addım atmaqla mən onu alçaltmışam. Onu çağırmamışdım məclisə. O, bizim sahədən adam deyil, niyə gəlib?”

Fatimə Canananın “Məni oradan qovmaq əvəzinə bizi barışdırardı” sözlərinə belə reaksiya verib:

“Aranızdakı davanı mən salmışam ki, barışdırım? Çıxdı efirdə söydü, biabır etdi, indi barışmaq istəyir. Deyir, uşaqları mənə göstərmirlər. Yalan danışırsan, çünki şəxsən mən Mətanət xanımın evinə getmişdim. Atası dünyasını dəyişəndə başsağlığı verdim. Gözümlə şahid oldum, qız ürəyi istəyəndə uşaqlarını götürür. Mətanət gözəl insandır. Susursa, uşaqlara görə və oğluna görə danışmır”.

Fətəliyeva qeyd edib ki, Canana bu qalmaqalla yeni açdığı gözəllik salonunu reklam etməyə çalışır:

“Canana, sənə reklam lazımdırsa, mənim adımı çəkmə, get reklamınla məşğul ol. Heç dəxli var, Mətanətin evində gəlin olanda, yaxşı vaxtlarda ürəyin istəyən salonu sənə açırdı. Birini bağlayırdı, o birini açırdın. Barışmaq istəyirsənsə, uşaqlarını götürəndə bir dəstə gül də al, get və orada barış. Acıq verə-verə girib məclisimə. Səni çağıran var idi ki, gəlib məclisimə hay-küy saldın? Mənim adımı çəkmə. Sən kimsən mənim məclisimə girmisən? Kim sənə icazə verib?”

Xatırladaq ki, Mətanət İsgəndərlinin oğlu Kərim və Canana ötən il qalmaqallı şəkildə ayrılıb. Hazırda onların uşaqların qəyyumluğu ilə bağlı məhkəmə prosesi davam edir.