Azərbaycanı “Eurovision-2022” beynəlxalq mahnı müsabiqəsində təmsil edəcək mahnı müəyyənləşib. Miraj.az xəbər verir ki, bu barədə ölkəmizin təmsilçisi Nadir Rüstəmli məlumat yayıb.

O, sosial şəbəkə hesabında bunları qeyd edib:

“Ən çox sizinlə paylaşmaq istədiyim xəbəri nəhayət paylaşıram – mahnımız seçilib. Hətta onu artıq studiyada yazmışıq. Seçim mərhələsində o qədər həyacanlı idim ki… Məhz bu mahnının seçilməsini istəyirdim və elə də oldu”.

Lakin o, mahnı barədə ətraflı məlumat verməyib. Mahnının adı yaxın günlərdə açıqlanacaq.

“Eurovision-2022” İtaliyanın Turin şəhərində keçiriləcək. Şüarı “The sound of beauty” (“Gözəlliyin səsi”) olan mahnı müsabiqəsinin yarımfinal mərhələləri mayın 10 və 12-də baş tutacaq. Nadir Rüstəmli 12 may 2022-ci ildə keçiriləcək 2-ci yarımfinalda performans göstərəcək.

Final mərhələsi isə mayın 14-də “PalaOlimpico”da keçiriləcək.